يستنتج شخص فرنسي بان النساء شيء معقد جدا

استنتج شخص فرنسي بان النساء شيء معقد جدا
وذلك بناء على تجربته مع احدى صديقاته وكتب التالي :


ازا طلعتو مشوار وجربت تبوسلها ايدها بتقلك انت واحد غير محترم
وازا طنشت وما جربت تعمل شي بتقلك انت مو رجال
ازا حبيت كل الاشياء يلي هي بتحبها بتقلك انت واحد متملق وما عندك راي
وازا ما وافقتها بكل شي بتكون انت ما بتفهم
ازا اتصلت فيها كل يوم بتقلك انت شخص ممل كتير
وازا ما اتصلت بتكون مو مهتم فيها
ازا لبست وتانقت بتقلك اي شو رايح تعرض ازياء
وازا ما كنت انيق بلبسك انت شخص مهمل وما بتهتم
ازا كنت غيور بتقلك هدا شي مزعج فعلا
وازا ما كنت غيور بتقلك معناتو انت ما بتحبني
ازا جربت تكون رومنسي بتقلك احترمني شوي
وازا ما كنت رومانسي بتقلك انا اكيد مو عاجبتك
ازا وعدتها وتاخرت دقيقه بتعملك محاضرة عن صعوبة الانتظار
وازا هي تاخرت بتقلك هدا دلع البنات
ازا زرت رفيقك بتقلك يعني انا عالفضله بتزورني بعد رفقاتك
ازا هي زارت رفيقتها بتقلك شي كتير طبيعي نحنا بنات
ازا طلعت ببنت تانيه انت واحد بصباص وعينك فارغه
وازا طلع فيها حدا تاني بتقلك معليش مجرد معجب
ازا حكيت بتقلك مو ملاحظ انو بتحكي كتير
وازا سكتت بتقلك احكي ولا لسانك اكلو القط

عدم المؤاخذة منك صديقتي العزيزة هيدي حقيقة
بكل تقدير تقبلي مروري