الرئيسية
أحدث الصور
ببلدنا... مصدر الإبداع... في مخرجين رائعين مثل حاتم علي, باسل الخطيب و آخرون اللي أثبتو نجاح باهر بكثير من الأعمال التلفزيونية اللي قدموها...ولكن ليسوا هم فقط المتميزون... القوا مثلاً نظرة على ما يميّز أعمال المخرج يوسف رزق... مخرج مسلسل حاجز الصمت وأسياد المال وحديثاً الخط الأحمر وغيرهم من الأعمال الشيّقة....
1 بكون المسلسل من تأليف هاني السعدي
2 وتكون كلمات الشارة والموسيقا التصويرية لإيهاب مرادي
3 وكمان يكون مغني الشارة جان خليل
4 ويكونو الأغناي يلي بيطلعو خلال الحلقة فيهن تاري وناري
5 تكون الموسيقا التصويرية من مسلسلات سابقة
6 يكون في ظعاويط وصراخ وسلخ كفوف وقواص بالروسيات أثناء الشارة وكلمة خراس
وتفو عليك كتير ضرورية
7 استخدام الجيمي جيب (نوع من أنواع الكاميرات شكلها بيشبه الرافعة)في كل لقطة
من المسلسل ويفوت المخرج المصور غصمن عنه من برنده ويطالعه من التانية ويدخل من
بين رجلين هاد ليطلع من تحت باط هداك
8 تكرار الممثلين في كل المسلسلات يعني ميلاد يوسف وزوجة المخرج إمارات رزق قول
هادا الشي عادي بس انو بحاجز الصمت يموت ليث المفتي (بدور رامي)بالإيدز ليرجع
يعيش بالجزء التاني (بدور ربيع)وبإيدز مرة تانية هي ما فاتت بعقلي يا أخي
الزلمة محكوم يموت بالإيدز بكل الأجزاء ولا عبد الفتاح مزين بكون جاسوس (أبو
شفيق)بالجزء الاول وبينحبس وبالجزء التاني بيطلع من الحبس وبيصير كاظم وكمان
بموت شتق التاني يعني قلة ممثلين بسوريا غير ليث وعبد
9 وجود النجم الطفل سليمان رزق (ابن المخرج مشان هيك نجم)في كل مسلسل وكمان هاد
بإيدز بالخط الأحمر
10 وجود ألقاب للمثلين في الشارة بشكل كبيييييييير مثل الفنان الأنيق سليم كلاس
و الفنان المشاكس قاسم ملحو
وأخيرا كل الأبطال بإيدزو وبيموتو حتى الباحثة الاجتماعية ومديرة المصح وما عد
يصفى ولا شخصية عايشة بالمسلسل
مع كل المحبة و التقدير للإستاذ يوسف رزق...
