قانون شرب مادة المتة

هلق صار فيه قوانين عالمتة
هي سمعة جديدة يسلمو نـــــــــــــــــــــــــــــــــــــــــوارة

يانوارا هلق رفعتي كنان لقاضي هلق بصدق

بعد الاجتماع والتشاور الذي تم بيني وبين القاضي كنان قررنا ما يلي :
يعتبر هذا القانون لاغيا ولا يأخذ به في الساحل السوري وبالتحديد في صافيتا وسيتم تعديله بما يتوافق مع الشعب الصفتلي وذلك لعدة أسباب أهمها :
1_نحنا الصفتلية بنحب نشرب المتة سخنة يعني لازم نترك الأبريق يغلي
2_ نحنا ما بنستعمل مبدأ الكاسة الواحدة متل ما بيعملو اشقاؤنا بالسويداء ولازم يكون لكل شخص كاسة لحالو بيشرب فيها كيف ما بدوا وبالوقت اللي بيريدوا.......الخ

والخلود لرسالتنا

يا شباب خلص هيدا اعتبرناه مشروع قانون وانا رح عدل فيه اذا سمحتولي على الشكل التالي بعد المشاورة اللي حكينا فيها انما والدكتور وليدومعروض حاليا للتصويت

اولا احكام عامة
1- المتة مشروب روحاني (ليس روحي ) لا يجوز الانتقاص من قيمته او النعرض لحرمته باي شكل من الاشكال
2-اي مخالفة للتعريف السابق يعاقب بالحرمان من هذا المشروب سنة على الاقل
3- على كل مواطن شريف ان يشرب المتة ثلاث مرات على الاقل يوميا
ثانيا في النقع والتسخين
1- لكل مواطن الحق في ان ينقع المتة على ذوقه ولا يسمح لاي فرد الانتقاص او التعرض لهذا الحق وكل تهجم على الشخص يتعلق بطريقة النقع يوجب المسؤولية المسلكية في الشرب
2- من الضروري تسخين الابريق حتى الغليان مع مراعاة الاحوال التي يكون فيها الوضع الصحي للشريب لايسمح بذلك
3- من الافضل ان يكون البريق من نوع الالمنيوم حفاظا على مدة سخونة أطول
4- لا يترتب على مخالفة البندين 2-3 من هذه الفقرة اي مسؤولية قانونية
ثالثا في الشرب
1- يجب الا تنقص مدة الجلسة عن الساعة والا اعتبرت الجلسة غير جدية وفيها انتقاص لدستورية المتة ويعاقب المخالف بالنفي من الجلسةلحين جلسة اخرى
2- الاصل ان يصب الشخص السكر لنفسه ومن غير المحبب ان يصب احد ما لغيره السكر احتراما لاذواق الناس
3- لايجوز تعلية الابريق عن الكاسة اكثر من ثلاث سنتيمترات حتى لاتقطع بسرعة ويعتبر ذلك تهربا من الجلسة يتوجب معه الحكم على المخالف بالاقامة الجبرية في الجلسة نظرا لسوء نيته
4- لكل مواطن الحق في ان يتحكم بسرعة شربه وبكل الاحوال لايجوز ان تبقى الكاسة بدون ان تشرب اكثر من خمسة دقائق والا اعتبر ذلك مجاملة توجب الحكم على المخالف بالعقوبة السابقة الذكر
رابعا في التعليمات التنفيذية
1- ينفذ هذا القانون من تاريخه ويطبق ابتداء من اول جلسةمتة
2- يطبق هذا القانون على جميع الاشخاص في هذا المنتدى وفي اي مكان يجلس فيه
3- يعرضللتصويت لجمبع الاعضاء

هل هذا القرار غير قابل للطعن

طبعا يا شباب هذا القانون غير قابل للطعن لأنه
قرار وجاهي صادر عن المحكمة العليا بتاريخ 11_2_2009
الموافق 16 صفر 1430 هجري
صدر وأفهم علنا

كلنا مع هالقانون ابو علي بس للاستفسار بالنسبة لتوابع المتة كالبزورات والبشار وهدوك الشغلات شو منشان

اذا كانت جلسة ذكور تمنع البزورات منعا باتا لانو الاركيلة رح تسيطر ع الوضع
اذا كانت الجلسة مختلطة يؤخذ براي الاكثرية مع احترام الاقلية ( يسمح لمن يحب الموالح )
اما اذا كانت جلسة بنات لا مانع من وجود الموالح
هيدي مبادىء حزبنا والخلود لرسالتنا
ويانوارة الشبابالاوادم اصروا ع الموضوع لهيك كتبناه بغيبتك
ومع كل هذا انتي معاقبة لارتكابك جرم المساس بوحدانية المتة كمشروب وفق المادة 1 من القانون السابق لمجرد ذكرك النس كافيه

شو عقوبتها هي يا كنان...

رح اتركلك الخيار يا وليد بالعقوبة بس بلا واسطة

اي لا طولوا بالكن عالحلوة شوي وشو اذا انا تواسطتلها ما بيمشي الحال ولا شو

بالله جعني قلبي عليكي روحي هالمرة براءة مجانية تجاوزا مع انو بهيك حالة ما عم ناخد اقل من عشرين الف ليرة بس انشالله تبين